O'ZBEKISTONDA TIJORAT BANKLARI FAOLIYATIDA ISLOMIY MOLIYA INSTRUMENTLARINI JORIY ETISH MEXANIZMLARINI TAKOMILLASHTIRISHNING INSTITUTSIONAL-HUQUQIY VA IQTISODIY YO'LLARI

So‘nggi yillarda islomiy moliya tizimi global moliya bozorining muhim tarkibiy qismiga aylanib, ko‘plab mamlakatlar moliyaviy amaliyotida mustahkam o‘rin egallab bormoqda. Xususan, ushbu tizim nafaqat musulmon davlatlarda, balki AQSh, Buyuk Britaniya kabi rivojlangan iqtisodiyotlarda ham an’anaviy bank xizmatlariga muqobil moliyalashtirish mexanizmi sifatida barqaror rivojlanmoqda. Bu holat islomiy moliya instrumentlarini tijorat banklari faoliyatiga joriy etish hamda ularning institutsional-huquqiy va iqtisodiy mexanizmlarini takomillashtirish masalalarining dolzarbligini yanada oshirmoqda.