GEOFAZOVIY MA'LUMOTLARNI AGISOFT METASHAPE VA ARCGIS DASTURLAR ORQALI 3D MODELLARINI YARATISH

Mazkur maqolada uchuvchisiz uchish apparatlari (dronlar) orqali olingan fazoviy tasvirlarga Agisoft Metashape dasturida ishlov berish, undan Raqamli Relyef Modelini (DEM) olish hamda olingan raster ma’lumotini ArcGIS muhitida mantiqiy-vektorli TIN modeliga o‘tkazish metodikasi va bosqichlari ko‘rib chiqilgan. Ish jarayonida aerofotosuratlarni o‘zaro bog‘lash, ob’yektning 3D modelini va balandlik xaritasini shakllantirish ishlari tahlil qilingan. Shuningdek, raster formatidagi ma’lumotlarni muhandislik hisob-kitoblariga qulay bo‘lgan uchburchaklar tarmog‘iga (TIN modeliga) o‘tkazish algoritmi ko‘rsatib berilgan. Yaratilgan ushbu modellar hudud relyefini aniq vizuallashtirish bilan birga, topografiya va yer monitoringi ishlarida loyihalash xatoliklarini kamaytirish imkonini beradi.