MАVSUMIY VIRUSLI INFEKTSIYALАRNING HOMILАDORLIK DАVRINING KECHISHIGА TА'SIRI

Annotasiya: Mavsumiy virusli infektsiyalar insoniyat rivojlanish jarayonida turli xil virusli infektsiyalar orqali namoyon boʼlib kelgan. XXI asrda global muammoga aylangan Covid-19 ham insoniyat tarixida pandemiyaga sabab boʼlib, hozirgi kunda mavsumiy qoʼzgʼatiladigan virusli infektsiyaga aylandi. Bu virus ham homiladorlik davrida ayollar sogʼligʼida jiddiy muammolarni keltirib chiqarishi mumkin. Tadqiqot maqsadi: Mavsumiy virusli infektsiya boʼlgan homiladorlarda gemostaz tizimini baholash. Tadqiqot materiali qilib Samarqand viloyatidagi tugʼruq majmuasiga mavsumiy virusli infektsiya sababli gospitalizatsiya qilingan 49 nafar homilador ayollar olindi. Tadqiqot natijasida asosan homiladorlikning trimestri bilan bevosita bogʼliq holda ayollarning umumiy holatiga, gospitalizatsiya sabablariga, komarbid holatlarga, umumiy taxlillardagi, koagulogrammadagi va qonning ivish tizimidagi oʼzgarishlarga va shuningdek homiladorlik va tugʼruq natijalariga eʼtibor qaratildi. Xulosa. Mavsumiy virusli infektsiyalarni butunlay yoʼqotishning imkoni topilmaganligi sababli, ularning homiladorlarda kechishi, rivojlanishi mumkin boʼlgan asoratlari toʼliq oʼrganilmaganligini inobatga olib, mavsumiy virusli infektsiyalarning homiladorlikga taʼsirining koʼplab jixatlarini, shuningdek, neonatal va perinatal natijalarni oʼrganishimiz lozim.

Kalit soʼzlar: mavsumiy virusli infektsiya, homiladorlik, gemostaz, giperkoagulyatsiya, chaqaloqlar, tromboz.