SUN'IY INTELLEKT TEXNOLOGIYALARI ASOSIDA TISH KARIYESINI ERTA DIAGNOSTIKA QILISHNING ZAMONAVIY IMKONIYATLARI VA KLINIK ISTIQBOLLARI

Tish kariyesi dunyo aholisida eng ko‘p uchraydigan surunkali kasalliklardan biri bo‘lib, uning erta bosqichlarda aniqlanishi minimal invaziv davolash usullarini qo‘llash hamda asoratlarning oldini olishda muhim ahamiyat kasb etadi. So‘nggi yillarda sun'iy intellekt (SI) texnologiyalarining jadal rivojlanishi stomatologik diagnostikada yangi bosqichni boshlab berdi. Mazkur maqolada sun'iy intellektning, xususan chuqur o‘rganish (Deep Learning) va konvolyutsion neyron tarmoqlar (CNN) asosidagi algoritmlarning tish kariyesini erta aniqlashdagi diagnostik imkoniyatlari tahlil qilindi. Jahon sog‘liqni saqlash tashkiloti, Global Burden of Disease loyihasi hamda so‘nggi yillarda Scopus va PubMed bazalarida indekslangan ilmiy tadqiqotlar natijalari asosida sun'iy intellektning klinik samaradorligi, afzalliklari va mavjud cheklovlari yoritildi. Tadqiqot natijalari SI tizimlari stomatologik rentgen tasvirlari va intraoral fotosuratlarni avtomatik tahlil qilish orqali diagnostika aniqligini oshirishini, shifokorning qaror qabul qilish jarayonini qo‘llab-quvvatlashini hamda davolash sifatini yaxshilashini ko‘rsatadi.