SUN'IY INTELLEKT TEXNOLOGIYALARI ASOSIDA KASBIY TA'LIM O'QUVCHILARINING RAQAMLI KOMPETENSIYALARINI RIVOJLANTIRISHNING PEDAGOGIK MODELI

Bugungi kunda sun'iy intellekt texnologiyalarining jadal rivojlanishi ta'lim tizimining barcha bo'g'inlarida, jumladan, kasbiy ta'lim tizimida ham tub o'zgarishlarni yuzaga keltirmoqda. Raqamli iqtisodiyot sharoitida zamonaviy mehnat bozori malakali mutaxassislardan nafaqat kasbiy bilim va ko'nikmalarni, balki yuqori darajadagi raqamli kompetensiyalarni ham talab qilmoqda. Shu sababli kasbiy ta'lim o'quvchilarining raqamli kompetensiyalarini sun'iy intellekt texnologiyalari asosida rivojlantirish dolzarb ilmiy-pedagogik muammolardan biri hisoblanadi. Mazkur maqolada sun'iy intellekt texnologiyalaridan foydalanish asosida kasbiy ta'lim o'quvchilarining raqamli kompetensiyalarini rivojlantirishning pedagogik modeli ishlab chiqilgan. Model kompetensiyaviy, tizimli, shaxsga yo'naltirilgan va faoliyatga asoslangan yondashuvlar integratsiyasiga tayangan holda loyihalashtirilgan. Pedagogik modelning maqsadli, mazmuniy, texnologik, diagnostik va natijaviy komponentlari o'zaro bog'liq holda tavsiflangan.