WEB-PLATFORMALARDA FOYDALANUVCHILAR HARAKATINI STATISTIK TAHLIL QILISH VA ANOMAL BOT-TRAFIKNI K-MEANS ALGORITMI ORQALI KLASSTERLASH

Ushbu tadqiqotda web-saytlar va raqamli platformalarda real foydalanuvchilar hamda avtomatlashtirilgan bot-trafikni ajratish masalasi statistik analitika va mashinali o‘rgatishning klassik usullari yordamida chuqur o‘rganiladi. Murakkab neyron tarmoqlaridan qochib, hisoblash resurslarini tejaydigan K-Means (K-o‘rtachalar) klasterlash algoritmi hamda Deskriptiv Statistika ko‘rsatkichlari qo‘llanilgan. Tadqiqot davomida foydalanuvchilarning sahifada qolish vaqti, kliklar chastotasi va so‘rovlar oralig‘ining standart og‘ishi bo‘yicha statistik modellari tuzilib, anomal harakatlarni aniqlash samaradorligi va aniqligi baholangan.