RAQAMLI TRANSFORMATSIYA SHAROITIDA SANOATNI TEXNIK-MODERNIZATSIYA QILISHNING XORIJIY MODELLARI VA ULARNING MILLIY IQTISODIYOT RAQOBATBARDOSHLIGIGA TA'SIRI

Ushbu maqolada raqamli transformatsiya sharoitida sanoatni texnik-modernizatsiya qilishning xorijiy modellari va ularning milliy iqtisodiyot raqobatbardoshligiga ta’siri tahlil qilingan. Germaniyaning “Industry 4.0”, AQShning “Advanced Manufacturing”, Xitoyning “Made in China 2025” strategiyalari hamda Yaponiya va Janubiy Koreyaning innovatsion rivojlanish tajribalari o‘rganilgan. Tadqiqot davomida sanoatni raqamlashtirish, ishlab chiqarishni avtomatlashtirish va innovatsion texnologiyalarni joriy etish iqtisodiy samaradorlikni oshirishning muhim omili ekanligi aniqlangan. Shuningdek, xorijiy tajribalarni O‘zbekiston sanoat tarmoqlariga moslashtirish imkoniyatlari tahlil qilinib, milliy iqtisodiyot raqobatbardoshligini oshirish bo‘yicha ilmiy-amaliy tavsiyalar ishlab chiqilgan.