RAQAMLI TA'LIM MUHITI-BOSHLANG'ICH TA'LIM TARAQQIYOTINING YANGI BOSQICHI

Mazkur maqolada boshlang‘ich ta’lim tizimida raqamli platformalardan foydalanishning nazariy-metodologik asoslari, pedagogik imkoniyatlari hamda ta’lim samaradorligini oshirishdagi ahamiyati ilmiy jihatdan yoritilgan. Raqamli platformalarning o‘quvchilarning bilish faolligini rivojlantirish, mustaqil ta’lim ko‘nikmalarini shakllantirish, o‘quv motivatsiyasini kuchaytirish hamda interaktiv ta’lim muhitini yaratishdagi o‘rni tahlil qilingan. Shuningdek, maqolada boshlang‘ich ta’lim jarayonida Google Classroom, Moodle, Kahoot, Quizizz, LearningApps kabi platformalardan foydalanishning afzalliklari, pedagogik va psixologik jihatlari ochib berilgan. Unda milliy va xorijiy tajribalar tahlil qilinib, raqamli ta’limning istiqbollari va muammolari yuzasidan ilmiy xulosalar bayon etilgan.