НАВОИЙ МИСРАЛАРИГА ОИД БАЪЗИ МУЛОҲАЗАЛАР
收藏资源简介：
Адабиётимизнинг асосчиси Алишер Навоийнинг форс-тожик адабиёти тарихида ҳам тутган ўрни жуда муҳим. У ўз устози ва дўсти Абдураҳмон Жомий билан биргаликда XV аср Ҳирот адабий мактабининг бошида турди, жуда кўп шоирлар, ёзувчилар, тарихчилар, адабиётшунослар, мусиқашунослар, рассомлар, меъморлар ва бошқа санъаткорларга ҳомийлик қилди. Ўзининг «Мажолисун-нафоис», «Муфрадот», «Хамсатул-мутаҳай- йирин», «Муҳокаматул-луғатайн» каби чуқур илмий асарларида ҳам, бошқа бадиий асарларида ҳам форс-тожик адабиёти ва классик тожик тили — форсий ҳақида қимматли мулоҳазалар, нодир илмий умумлашмалар қолдирди. Буюк шоир Фоний тахаллуси билан ёзган форсий шеърларида эса форс-тожик классик адабиётининг моҳир устозлари қаторида тура оладиган асарлар яратди, ўз давригача беш юз йиллик тараққиёт даврини босиб ўтган тожик адабиётини маълум даражада янгилади.
