O'ZBEKISTONDA SOG'LIQNI SAQLASH TIZIMINI TARTIBGA SOLUVCHI NORMATIV-HUQUQIY HUJJATLAR VA ULARNING RIVOJLANISH BOSQICHLARI TAHLILI

Maqolada O‘zbekiston Respublikasi sog‘liqni saqlash tizimini tartibga soluvchi normativ-huquqiy hujjatlarning shakllanishi, takomillashuvi va bosqichma-bosqich transformatsiyasi tahlil qilinadi. Tadqiqotda sog‘liqni saqlash tizimining konstitutsiyaviy asoslari, bazaviy tarmoq qonunlari, maxsus yo‘nalishlarni tartibga soluvchi normativ-huquqiy hujjatlar hamda 2018–2025 yillarda qabul qilingan tizimni isloh qilishga qaratilgan hujjatlarining mazmuni ochib beriladi. Muallif sog‘liqni saqlash tizimi rivojida umumiy huquqiy poydevor yaratish, ixtisoslashgan huquqiy tartibga o‘tish, boshqaruvni modernizatsiya qilish, sanitariya-epidemiologik xavfsizlikni kuchaytirish, davlat tibbiy sug‘urtasi mexanizmlarini joriy etish va birlamchi bo‘g‘inni qayta tashkil etish bosqichlarga ajratadi. Tadqiqot natijasida O‘zbekistonda sog‘liqni saqlash tizimini normativ-huquqiy tartibga solishning rivojlanishi “davlat kafolati — institutsional boshqaruv — moliyalashtirishning yangi modeli — xizmatlar sifati va ochiqligi” shaklida rivojlanayotgani asoslab beriladi.