GLOBALIZATSIYA SHAROITIDA SHAXS EDINTIKLIGI INQIROZI

Mazkur maqolada globallashuv jarayonlari ta’sirida shaxs identikligida yuzaga kelayotgan transformatsiyalar va inqiroz holatlari kompleks ilmiy yondashuv asosida tahlil qilinadi. Axborot makonining kengayishi, madaniyatlararo o‘zaro ta’sirning jadallashuvi hamda ijtimoiy me’yorlarning tezkor almashinuvi shaxsning o‘zini anglash tizimiga bevosita ta’sir ko‘rsatmoqda. Natijada an’anaviy identiklik modellarining barqarorligi susayib, shaxsiy, madaniy va ijtimoiy identifikatsiya jarayonlarida ichki ziddiyatlar kuchaymoqda. Maqolada identiklik inqirozining psixologik, sotsiologik va madaniy-falsafiy omillari o‘zaro bog‘liqlikda yoritilib, global va milliy qadriyatlar o‘rtasidagi muvozanat muammosi alohida e’tiborga olinadi. Tadqiqot davomida nazariy tahlil, qiyosiy yondashuv va interpretativ metodlardan foydalanilib, globallashuv sharoitida shaxsning identik mustaqilligini saqlab qolish masalasi muhim ilmiy xulosa sifatida asoslanadi. Tadqiqot natijalari shuni ko‘rsatadiki, identiklik inqirozi faqat salbiy hodisa emas, balki shaxsiy rivojlanish va ijtimoiy moslashuv uchun yangi imkoniyatlar manbai ham bo‘lishi mumkin. Maqola natijalari ijtimoiy fanlar, pedagogika va madaniyatshunoslik yo‘nalishidagi ilmiy izlanishlar uchun nazariy-amaliy ahamiyatga ega.