SUN'IY INTELLEKT ASOSIDA O'ZBEKISTONDA ATMOSFERA HAVOSI IFLOSLANISHINI MONITORING QILISH VA PROGNOZLASH IMKONIYATLARI

Annotatsiya: Mazkur tezisda O‘zbekiston hududida atmosfera havosi ifloslanishini monitoring qilish va uning kelajakdagi holatini prognozlashda sun’iy intellekt texnologiyalaridan foydalanish imkoniyatlari tahlil qilinadi. Havo sifatining yomonlashuvi inson salomatligi, ekotizimlar barqarorligi va shaharlarning ekologik xavfsizligiga bevosita ta’sir ko‘rsatadi. An’anaviy monitoring tizimlari ko‘pincha cheklangan hudud va vaqt oralig‘ida ma’lumot taqdim etishi sababli katta hajmdagi real vaqt ma’lumotlarini qayta ishlash, ifloslanish manbalarini aniqlash va kelajakdagi holatni oldindan baholashda zamonaviy raqamli yondashuvlarga ehtiyoj ortmoqda. Sun’iy intellekt, mashinali o‘qitish, chuqur o‘rganish, masofadan zondlash va IoT texnologiyalarining integratsiyasi havo sifatini yuqori aniqlikda monitoring qilish hamda prognozlash imkonini beradi. Tezisda O‘zbekiston sharoitida PM2.5, PM10, NO₂, SO₂, CO va O₃ kabi asosiy ifloslantiruvchi moddalarni kuzatish, meteorologik omillar bilan bog‘liqligini aniqlash va sun’iy intellekt asosidagi prognoz modellarini yaratishning ilmiy-amaliy jihatlari yoritilgan.