INGLIZ TILINI O'RGANISHDA SUN'IY INTELLEKTNING O'RNI

Ushbu tezis ingliz tilini o‘rganishda sun’iy intellekt (SI) texnologiyalarining o‘rni va ahamiyatini lingvodidaktik, lingvokognitiv va texnologik yondashuvlar asosida tahlil qilishga bag‘ishlangan. Tadqiqotda sun’iy intellekt asosidagi platformalar (ChatGPT, Duolingo AI, Grammarly, Google Translate va boshqalar)ning til o‘rganish jarayoniga ta’siri o‘rganiladi. Xususan, personalizatsiya, adaptiv ta’lim, avtomatik baholash, nutqni aniqlash va interaktiv muloqot tizimlarining samaradorligi tahlil qilinadi. Natijalar shuni ko‘rsatadiki, sun’iy intellekt ingliz tilini o‘rganish jarayonini tezlashtiradi, individuallashtiradi va kommunikativ kompetensiyani rivojlantirishga xizmat qiladi. Tadqiqot zamonaviy lingvodidaktika va raqamli ta’lim texnologiyalari uchun muhim ilmiy xulosalar beradi.