KK1-1975 - Lagat gat chyang (Black bee)

Lagat gatchyang a lam. Ma dai gaw ndai hku da. Ndai anhte nta ndai she lagat gatchyang ngu gaw bu kaba ba law re, gawa tim grai machyi ai. Masha si taw hkan retim ndai masha mang ni u dusat ngu ga le dai hpe hpya sha chye sha na nga ai. Dai she lani mi gaw da ndai ma langai mi kanu gaw ma shayup tawn da re na she le yi yang de sa mat ai da. Mangai ta gaw grai kaja grai wum wa ai, dai lusha hpa si taw gyam ai nga, dai wa she ma kachyi nga na wa yu yang ma dai hpe hpya sha kau sai da. Hpya sha kau kanu wa mu, kanu gaw je dai kaw hkanhte kanu e bai htim wa she n chye pru mat sa, ma dai hku si mat ai da. Deng gaw karai kasang dan re jang dai dinggai jan matsa ai da. E nye kasha e sat kau ya ai ndai zawn re sat kau ya ai gaw n dai ni gaw prat tup re na kasha ngu gaw majoi n mai nga ai. Hkum nga shangun lo karai kasang e ngu sagya wa, moi gaw sagya wa prat, sagya wa e ngu na matsa ai da. Matsa ai majaw sagya wa kaw na shi gaw shata 9 sha rawng na. Shi gaw shata 9 nga yang shata shagu kahtawng shagu hpya na ngu da. E dai myit dai rawng ai da. Dai majaw shi gaw shata 9 nga yang jan na n rawng ai. Oh ndai n shung nga jang yawng kagyin hkraw mat, oh si mat le si mat, hto hkan e hpungkraw hkan e sha nga nna bai shalat la ai. Bai shalat ai, shata 9 du jang dai tsip tsip na rawng ai. Dai shata 9 du ai kaw na gaw si mat ai, dai kasha ni yawng si mat ai. Dai kanu ngu na wa oh ra kaw nga ai le ra kaw nga re na hkrung ai. Ya retim dai hku sha re law law n nga ai, gat shang maumwi dai re sai. . Language as given: Jinghpaw