YOSHLARNING IJTIMOIY FAOLLIGINI RIVOJLANTIRISHDA IDENTIFIKATSIYA JARAYONLARINING O'RNI

Mazkur tezisda yoshlarning ijtimoiy faolligini rivojlantirishda identifikatsiya jarayonlarining o‘rni psixologik nuqtai nazardan tahlil qilingan. Yosh shaxsning o‘zini jamiyat, ijtimoiy guruh, kasbiy yo‘nalish, milliy qadriyatlar va ijtimoiy rollar bilan bog‘liq holda anglashi uning ijtimoiy xulq-atvori va faolligiga ta’sir ko‘rsatadi. Tezisda ijtimoiy identifikatsiya, mansublik hissi, o‘z-o‘zini anglash, kasbiy identifikatsiya, fuqarolik pozitsiyasi va ijtimoiy mas’uliyat tushunchalarining yoshlar faolligi bilan bog‘liqligi yoritilgan. Shuningdek, oila, ta’lim muhiti, tengdoshlar guruhi va raqamli axborot makonining yoshlar identifikatsiyasi shakllanishidagi ahamiyati ko‘rsatib berilgan.