KK1-2116 - Tsa a lachyum (Liquor)

Tsa a lachyum ngu hpe tsun na re. Moi kalang mi hta da grai matsan ai mare langai mi nga ai da. Dai matsan mare kaw tsa grai shadu sha ai da. Tsa tinang hkrai tinang dai hku shadu dut rai shaloi she, dai mare na ni gaw tsa shup ngut yang she tsa pa hpe gaw shin gan kaw sa tawn da ai da. Dai hpe she u la langai mi mu ai da, u la langai mi mu na she u la dai gaw shani shagu dai tsa pa hpe sa sha ai da, lani mi na ten hta grai nang hkra sha kau ai da. Grai nang hkra sha kau rai na she shi gaw rai mat wa sai da. Rai mat wa shaloi she u ni shanhte shada da achye hkat taw ai dai hpe sa mu ai da. Sa mu na she shi gaw tsa dai hpe lu dat sai re nga n_gun grai ja dum wa ai da. Dai u la wa grai ja dum na she, gai ngai hte htawng hkat na kadai nga ai ngu dai hku ngu tsun ai shaloi she agin htawng hkat kau da ai da, agin htawng hkat na shi nta bai wa mat sai da. Dai u la wa wa mat rai shaloi she, hpang jahpawt du yang she dai u la wa grai machyi ai da abyen da ya ai hkang wa grai machyi na she shi gaw hka nawng ngu na kaw sa yu shaloi she shi na myi ndai hku ni yawng bum mat ai da. Bum mat rai shaloi she, ga ngai hpe ndai ram ram she bum hkra hkra di dat ai gaw kadai rai kun ngu dai hku ngu myit nga yang she shi na makau kaw gwi langai nga taw ai da. E manang wa e ngai hpe mani ngai tsa nang nga shaloi ngai hte agyin yaw hkat ai kadai ta ngai hpe ndai ram ram she bum hkra di dat ai gaw nyu i ngu san ai da. Dai shaloi she, i nyau nre ai ngu ai ngu tsun ai da, nrai yang hkai byek i ngu tsun ai da hkai byek ma nre ai ngu da. Nrai yang u magwi i ngu san ai da, u magwi ma nre ai ngai grai nkam tsun dat ai ngu da. Dai re yang nang i ngu da, nang gwi nang i ngu shaloi, e ngai nre yaw u yi langai mi re ngu tsun ai da. Dai shaloi she, aga u yi wa ngai hpe ndai ram ram hpye hkra htawng dat ai i ngu dai hkun ngu tsun ai shaloi she gwi wa gaw tsun ai da. Tsa ngu gaw tinang hkum kade ja tim mung tsa nang wa shaloi gaw ayi i num ngu ni dang wa ai ngu da dai hku ngu tsun dan ai da. Dai shani kaw na shi gaw i tsa lachyum hpe shi manang ni hpe tsun dan ai da. Tinang n_gun atsam kade ja dum tim tsa lu jang gaw kaji kadun ai num ni pyi dang wa ai ngu dai lam re. . Language as given: Jinghpaw