O'QISH SAVODXONLIGI DARSLARI VOSITASIDA TALABALARNING KASBIY KOMPETENTLIGINI RIVOJLANTIRISH METODIKASI

Ushbu maqola oliy ta’lim muassasalarida o‘qish savodxonligi darslari vositasida talabalarning kasbiy kompetentligini rivojlantirish metodikasini ilmiy-pedagogik jihatdan o‘rganishga bag‘ishlangan. Maqolada o‘qish savodxonligi tushunchasi faqat matnni ravon o‘qish yoki uning mazmunini qayta bayon qilish ko‘nikmasi sifatida emas, balki talabaning axborotni anglash, tahlil qilish, baholash, umumlashtirish va kasbiy faoliyatda qo‘llay olish qobiliyatini shakllantiruvchi murakkab integrativ kompetensiya sifatida talqin qilinadi. Tadqiqotda talabalarning kasbiy kompetentligini rivojlantirish jarayonida kasbiy yo‘naltirilgan matnlar, muammoli vaziyatlar, tahliliy topshiriqlar, interaktiv metodlar va refleksiv yondashuvlardan foydalanish imkoniyatlari yoritilgan. Shuningdek, o‘qish savodxonligi darslari orqali talabalarda tanqidiy fikrlash, kasbiy tafakkur, mustaqil qaror qabul qilish, axborot bilan ishlash, kasbiy muloqot va o‘z faoliyatini baholash ko‘nikmalarini shakllantirish yo‘llari tahlil qilingan. Maqolada ilgari surilgan metodik yondashuvlar oliy ta’lim jarayonida talabalarning kasbiy tayyorgarligini takomillashtirish, ularni mehnat bozori talablariga mos raqobatbardosh mutaxassis sifatida shakllantirishga xizmat qiladi.