HUQUQ IJODKORLIGI SOHASIDA YUZAGA KELAYOTGAN KORRUPSIYA MUAMMOLARI

Ushbu tezisda huquq ijodkorligi sohasida yuzaga kelayotgan korrupsiya muammolari tahlil qilinadi. Korrupsiya tushunchasi, uning huquqiy tizimdagi o‘rni va huquq ijodkorligi jarayonidagi shakllari ochib berilgan. Tezisda korrupsiyaning qonunlarning samaradorligiga, huquqiy adolatga va fuqarolarning davlat organlariga bo‘lgan ishonchiga salbiy ta’siri batafsil ko‘rib chiqiladi. Shu bilan birga, huquq ijodkorligida korrupsiyani kamaytirish va oldini olish mexanizmlari — jarayonlarni shaffof qilish, monitoring tizimlarini rivojlantirish, jamoatchilik ishtirokini kengaytirish va qonunbuzarliklarga qarshi qat’iy javob choralarini qo‘llash kabi masalalar yoritilgan. Tezis nazariy tahlil va amaliy tavsiyalarni o‘z ichiga olgan bo‘lib, huquq ijodkorligi jarayonlarida korrupsiyani kamaytirishga qaratilgan tizimli yondashuvni taklif qiladi.