INVESTITSIYA LOYIHALARINI STRATEGIK BOSHQARISH ORQALI XORIJIY INVESTITSIYALARNI JALB QILISH SAMARADORLIGINI OSHIRISH
收藏资源简介：
Jahon iqtisodiyotida raqobatning kuchayishi, kapital oqimlarining qayta taqsimlanishi hamda investitsiya resurslari uchun kurashning keskinlashuvi sharoitida investitsiya loyihalarini strategik boshqarish davlatlarning uzoq muddatli iqtisodiy rivojlanishini ta'minlovchi ustuvor yo‘nalishlardan biriga aylandi. Zamonaviy investitsiya siyosatida xorijiy investitsiyalarni jalb qilish faqat qulay investitsiya muhitini yaratish yoki moliyaviy rag‘batlantirish choralari bilan cheklanmaydi. Xalqaro amaliyot shuni ko‘rsatmoqdaki, investitsiya loyihalarining strategik rejalashtirilishi, ularning ustuvorlik darajasini ilmiy asosda belgilash, loyiha portfelini samarali shakllantirish va natijadorlikka yo‘naltirilgan boshqaruv tizimini joriy etish xorijiy investorlar uchun eng muhim mezonlardan biri hisoblanadi. Shu sababli investitsiya loyihalarini strategik boshqarish investitsiya siyosatining ajralmas tarkibiy qismi sifatida iqtisodiy o‘sish, sanoatni modernizatsiya qilish, hududlarni kompleks rivojlantirish va xalqaro kapitalni jalb qilishda muhim rol o‘ynamoqda.
