PSIXOLOG-TRENER SHAXSIGA QO'YILADIGAN KASBIY VA AXLOQIY TALABLAR

Mazkur ilmiy maqolada psixolog-trener shaxsiga qo‘yiladigan kasbiy va axloqiy talablar zamonaviy psixologiya fanining nazariy yondashuvlari hamda amaliy trening tajribasi asosida tahlil qilinadi. Psixolog-trenerning professional kompetensiyasi, shaxsiy fazilatlari va axloqiy mas’uliyati trening jarayonining samaradorligini belgilovchi muhim omillar sifatida yoritiladi. Tadqiqotda psixolog-trener faoliyatida kasbiy bilim va ko‘nikmalar bilan bir qatorda empatiya, refleksiya, kommunikativ madaniyat, emotsional barqarorlik va kasbiy etikaga rioya qilishning ahamiyati ilmiy jihatdan asoslab beriladi. Shuningdek, trening jarayonida ishtirokchilarning psixologik xavfsizligini ta’minlash, shaxsiy chegaralarni hurmat qilish va professional mas’uliyat tamoyillariga amal qilish psixolog-trener faoliyatining ajralmas qismi ekanligi ko‘rsatib beriladi. Tadqiqot natijalari psixolog-trenerlarni tayyorlash va ularning kasbiy malakasini oshirish jarayonida axloqiy-me’yoriy yondashuvlarni kuchaytirish zarurligini asoslaydi. Mazkur maqola ta’lim va amaliy psixologiya tizimida trening faoliyatini ilmiy asosda tashkil etish uchun muhim ilmiy-metodik ahamiyatga ega.