INGLIZ VA O'ZBEK TILLARIDA EKSPRESSIV PRAGMATIKANING VOSITASI SIFATIDA OKKAZIONAL FRAZEOLOGIK BIRLIKLAR

Mazkur maqolada ingliz va o‘zbek tillaridagi okkazional frazeologik birliklarning ekspressiv-pragmatik xususiyatlari tahlil qilinadi. Tadqiqotning maqsadi o‘zgartirilgan yoki yangidan yaratilgan frazeologizmlarning kommunikativ niyat, kontekst va muallif intensioni orqali qanday ma’no yuklayotganini aniqlashdir. Okkazional birliklar til tizimida ijodkorlik, ironik yoki tanqidiy ohang, emotsional intensivlikni ifodalashda muhim vosita sifatida namoyon bo‘ladi. Tahlil deskriptiv, pragmatik va qiyosiy metodlar asosida olib borilgan. Natijalar shuni ko‘rsatadiki, ingliz va o‘zbek tillarida bunday birliklar o‘xshash funksiyalarni bajaradi, biroq ularning ekspressivlik darajasi madaniyatga xos konnotatsiyalar bilan belgilanadi.