JINSIY A'ZOLAR PROLAPSINING JARROHLIK DAVOLASHIDA YUZAGA KELADIGAN ASORATLARNI OLDINI OLISH VA ULARNI DAVOLASH

Ushbu ilmiy maqolada Samarqand shahar 3-son tug‘ruq majmuasi va Samarqand shahar “Samarqand Doctor Shifo Baxt” xususiy klinikasi ginekologiya bo‘limiga murojat qilib kelgan 125 nafar ayollarda uchraydigan jinsiy a’zolar prolapsi (tushishi va chiqib ketishi) holatlari, ularni jarrohlik yo‘li bilan davolash usullari hamda bu muolajalar natijasida yuzaga keladigan asoratlarning oldini olish va ularni samarali davolash masalalari yoritilgan. Mavzuda zamonaviy jarrohlik uslublari, ularning afzallik va kamchiliklari, shuningdek, operatsiyadan keyingi reabilitatsiya davri muhim jihatlar sifatida ko‘rib chiqilgan. Tadqiqotda ilg‘or klinik tavsiyalar, statistik ma’lumotlar va holat tahlillari asosida tayanilgan holda, asoratlarning oldini olishda individual yondashuv va profilaktik choralar muhimligi alohida ta’kidlangan. Ushbu ish amaliy sog‘liqni saqlash tizimi mutaxassislari uchun foydali bo‘lishi mumkin. Kalit so‘zlar: Jinsiy a’zolar prolapsi, tos a’zolari prolapsi, jarrohlik davolash, operatsiyadan keyingi asoratlar, profilaktika, reabilitatsiya, individual yondashuv, ginekologiya, tos sohasidagi buzilishlar.