JURNALISTIKADA PRNING NAZARIY ASOSLARI

Mazkur tezisda jurnalistika va jamoatchilik bilan aloqalar (PR) o‘rtasidagi nazariy va amaliy bog‘liqlik masalalari kompleks yondashuv asosida tahlil qilindi. PR tushunchasining shakllanishi, uning turli ilmiy talqinlari, asosiy funksiyalari hamda jurnalistika bilan o‘zaro aloqador jihatlari yoritib berildi. Shuningdek, ommaviy kommunikatsiya nazariyalari, xususan, “kun tartibini belgilash” tushunchasi doirasida jamoatchilik fikrini shakllantirish mexanizmlari ochib berildi. Tadqiqot natijasida jurnalistika va PR o‘rtasidagi chegaralar zamonaviy kommunikativ makonda nisbiy xarakter kasb etayotgani asoslanadi.