OLAMNING LISONIY MANZARASINI YARATISHNING NAZARIY ASOSLARI

Mazkur maqolada olamning lisoniy manzarasini shakllantirishning nazariy asoslari ingliz va o‘zbek tillari misolida tahlil qilinadi. Tadqiqotda til va tafakkur o‘rtasidagi o‘zaro bog‘liqlik, milliy madaniyatning til tizimida aks etishi hamda lisoniy birliklar orqali borliqni idrok etish jarayoni yoritiladi. Olamning lisoniy manzarasi tushunchasi kognitiv tilshunoslik nuqtayi nazaridan izohlanib, ingliz va o‘zbek tillaridagi leksik, semantik va frazeologik birliklar qiyosiy tahlil qilinadi. Har ikki tilda borliq hodisalarini ifodalashda umumiy va farqli jihatlar aniqlanadi hamda ularning milliy tafakkur va madaniy qadriyatlar bilan bog‘liqligi asoslab beriladi. Tadqiqot natijalari qiyosiy tilshunoslik, kognitiv lingvistika va madaniyatlararo muloqot sohalari uchun muhim ilmiy-amaliy ahamiyatga ega.