SUN'IY INTELLEKT TIZIMLARI TOMONIDAN YETKAZILGAN ZARAR UCHUN JINOIY JAVOBGARLIK: SUBYEKT MUAMMOSI VA "ALGORITHMIC NEGLIGENCE" (ALGORITMIK BEPARVOLIK) KONSEPSIYASI

Mazkur maqolada sun'iy intellekt (SI) tizimlari faoliyati oqibatida yuzaga keladigan zarar uchun jinoiy javobgarlik masalasi tahlil qilinadi. Tadqiqotning markaziy muammosi — jinoyat tarkibining subyekt elementini SI sharoitida aniqlash qiyinligi, ya'ni javobgarlikni dasturchiga, foydalanuvchiga yoki tizimning oʻziga yuklash zarurati masalasidir. Muallif klassik jinoyat huquqidagi ayb (mens rea) va qilmish (actus reus) tushunchalarining avtonom tizimlarga nisbatan qoʻllanilishidagi cheklovlarni koʻrsatib, chet el doktrinasida shakllanayotgan “algoritmik beparvolik” konsepsiyasini tahlil qiladi. Xulosa sifatida javobgarlikni inson subyektlari zimmasida saqlab qolgan holda, ehtiyotkorlik standartlarini yangilash zarurligi asoslanadi.