YOSHLARNI HARBIY VATANPARVARLIK TARBIYASINI TARIXIY VA HARBIY JASORAT NAMUNALARI ASOSIDA SHAKLLANTIRISH YOʻLLARI

Oʻzbekistonning yangi taraqqiyot bosqichining ijtimoiy ahamiyati oʻzbek xalqiga oʻz milliy qahramonlarini anglash va ulardan gʻururlanish tuygʻusini berayotgani bilan ham asoslanadi. Har qanday islohotning eng muhim samarasi xalqning ma'naviy-ruhiy qarashlaridagi yangilanish jarayonlari, uning ongu tafakkurining yuksalishi, mamlakatda yuz berayotgan oʻzgarishlar uning hayotiga, taqdiriga daxldor boʻlganini chuqur his qilishi va shundan xulosa chiqarishi bilan belgilanadi. Biroq, murakkab oʻtish davrida xalqning bugungi va ertangi hayoti, uning ma'naviy olamiga zarar etish ehtimoldan xoli emasligiga e'tibor beradigan boʻlsak, jamiyat a'zolarini tarbiyalashda milliy qahramonlarimiz harbiy jasorat namunalarining ma'naviy jasorat sifatidagi ahamiyati yanada yaqqolroq namoyon boʻladi.