RAQAMLI IQTISODIYOT SHAROITIDA SOLIQ MA'MURCHILIGINI RAQAMLASHTIRISH ORQALI YASHIRIN IQTISODIYOTNI QISQARTIRISH MEXANIZMLARI

Mazkur maqolada raqamli iqtisodiyot sharoitida soliq ma'murchiligini raqamlashtirish orqali yashirin iqtisodiyotni qisqartirishning nazariy va amaliy jihatlari tahlil qilingan. Soliq tizimida zamonaviy axborot-kommunikatsiya texnologiyalari, elektron soliq xizmatlari, elektron hisob-fakturalar, onlayn nazorat-kassa mashinalari, QR-kodli fiskal cheklar, sun'iy intellekt va Big Data texnologiyalarining qo'llanilishi natijasida soliq ma'murchiligi samaradorligini oshirish hamda iqtisodiyotning shaffofligini ta'minlash masalalari yoritilgan. Shuningdek, rivojlangan davlatlar tajribasi va O'zbekistonda amalga oshirilayotgan raqamli islohotlar tahlil qilinib, yashirin iqtisodiyotni qisqartirish bo'yicha ilmiy-amaliy takliflar ishlab chiqilgan.