SUG'URTA XIZMATLARIGA AHOLINING ISHONCH DARAJASINI OSHIRISH OMILLARI VA MUAMMOLARI

Ushbu maqolada bugungi kunda sug‘urta bozorining rivojlanishiga to‘sqinlik qilayotgan asosiy muammolar, xususan, aholi o‘rtasida sug‘urta xizmatlariga bo‘lgan ishonch darajasining pastligi va uning sabablari tadqiq etiladi. Maqolada xalqaro tajriba va milliy qonunchilik asosida ishonchni oshirishning asosiy omillari - raqamlashtirish, shaffoflik va xizmat ko‘rsatish sifatini yaxshilash bo‘yicha ilmiy-amaliy takliflar ishlab chiqilgan. O‘zbekiston moliya bozorining strategik tarmog‘i hisoblangan sug‘urta sohasida aholi ishonchini oshirishning fundamental omillari va tizimli muammolari kompleks tahlil qilingan. Tadqiqot davomida sug‘urta xizmatlarining yalpi ichki mahsulotdagi ulushi pastligining asosiy sababi sifatida axborot assimetriyasi, to‘lov jarayonlarining murakkabligi va sug‘urta madaniyatining yetarli darajada shakllanmaganligi aniqlangan. Maqolada xalqaro tajriba (Swiss Re, Allianz modellari) va milliy bozor xususiyatlari qiyoslanib, ishonchni mustahkamlashda InsurTech (blokcheyn va smart-kontraktlar), Takaful (islomiy sug‘urta) tamoyillari hamda NPS (Net Promoter Score) indeksini joriy etish bo‘yicha ilmiy-amaliy takliflar ilgari surilgan. Tadqiqot natijalari sug‘urta kompaniyalari faoliyatining shaffofligini oshirish va iste’molchilar huquqlarini himoya qilish mexanizmlarini takomillashtirishga xizmat qiladi.