DARSLIKLARDAGI OMMABOP MATNLARNING MUAMMOLI TA'LIM DASTURLARIGA MOSLIGI

Zamonaviy ta’lim tizimida o‘quvchilarni faqat nazariy bilimlar bilan ta’minlash emas, balki ularning turli amaliy ko‘nikmalarini ham rivojlantirish muhim vazifa hisoblanadi. Shu sababli o‘qitish jarayonida samarali metodlardan foydalanish alohida ahamiyat kasb etadi. Shunday metodlardan biri muammoli ta’lim metodlari bo‘lib, u o‘quvchilarni faqat tayyor ma’lumot bilan tanishtirish bilangina cheklanmay, balki ularning mustaqil fikrlashi, muammolarni hal qila olish qobiliyati hamda tanqidiy tafakkurini rivojlantirishga xizmat qiladi.