IJTIMOIY HUQUQLARNI AMALGA OSHIRISHDA DAVLATNING KONSTITUTSIYAVIY MAJBURIYATLARI: IJTIMOIY DAVLAT MODELI

Mazkur maqolada ijtimoiy davlat nazariyasining tarixiy shakllanishi, ijtimoiy huquqlar konsepsiyasi va ularni ta’minlash borasida davlatning konstitutsiyaviy hamda xalqaro-huquqiy majburiyatlari tahlil qilinadi. Bismark va Beveridj modellariga asoslangan ijtimoiy davlat nazariyasining evolyutsiyasi, T.H Marshallning fuqarolik va ijtimoiy huquqlar haqidagi ta’limoti hamda “Iqtisodiy, ijtimoiy va madaniy huquqlar to‘g‘risida”gi xalqaro pakt (ICESCR) doirasidagi “minimal asosiy majburiyatlari” konsepsiyasi ko‘rib chiqiladi. O‘zbekiston Respublikasining 2023-yilgi yangi tahrirdagi Konstitutsiyasida “ijtimoiy davlat” maqomining mustahkamlanishi milliy ijtimoiy davlat modelining shakllanish jarayoni nuqtayi nazaridan baholanadi. Maqolada davlatning ijtimoiy huquqlarni hurmat qilish, himoya qilish va ta’minlash majburiyatlari xalqaro-huquqiy standartlar bilan qiyosiy o‘rganilib, ularning milliy qonunchilikda aks etish mexanizmlari nazariy-huquqiy jihatdan asoslanadi.