UMURTQA POG'ONASI SINISHLARIDA OPERATIV DAVOLASHNING ZAMONAVIY USULLARI

Mazkur maqolada umurtqa pog‘onasi sinishlarida qo‘llanilayotgan zamonaviy operativ davolash usullari va ularning klinik samaradorligi o‘rganildi. Tadqiqot davomida transpedikulyar fiksatsiya, vertebroplastika, kifoplastika hamda dekompressiv operatsiyalarning afzalliklari tahlil qilindi. Shuningdek, diagnostika usullari, operatsiyadan keyingi reabilitatsiya va asoratlar baholandi. Olingan natijalar zamonaviy operativ texnologiyalar umurtqa pog‘onasi barqarorligini tiklash, nevrologik buzilishlarni kamaytirish va bemorlarning hayot sifatini yaxshilashda muhim ahamiyatga ega ekanligini ko‘rsatdi.