BOSHLANG'ICH TA'LIMDA INNOVATSION METODLARDAN FOYDALANISHNING SAMARADORLIGI

Mazkur maqolada boshlang‘ich ta’lim jarayonida innovatsion metodlardan foydalanishning nazariy va amaliy asoslari ilmiy tahlil qilinadi. Tadqiqotda konstruktivizm tamoyillari hamda J. Dewey va L. S. Vygotskiy qarashlariga tayangan holda o‘quvchi markazli yondashuvning pedagogik ahamiyati yoritilgan. Shuningdek, OECD, UNESCO va World Bank tashkilotlari hisobotlari asosida interfaol va muammoli ta’lim metodlarining samaradorligi xalqaro tajriba nuqtai nazaridan asoslab berilgan. Maqolada muallif tomonidan ishlab chiqilgan “Faol ishtirok modeli” (FIM) metodik yondashuvi tavsiya etilib, uning bosqichlari, didaktik mexanizmi va amaliy qo‘llash usullari batafsil bayon etilgan. 3-sinf o‘quvchilari ishtirokida o‘tkazilgan pedagogik tajriba-sinov natijalari asosida innovatsion metodlarning o‘zlashtirish darajasi, darsdagi faollik va mustaqil ishlash ko‘nikmalariga ijobiy ta’siri statistik ma’lumotlar orqali isbotlangan. Tadqiqot natijalari boshlang‘ich ta’limda innovatsion metodlarni tizimli qo‘llash ta’lim sifatini oshirishning muhim omili ekanini ko‘rsatadi.