JAHON TILSHUNOSLIGIDA QO'SHMA GAPLARNING TIPOLOGIK TADQIQI (ARAB TILI MISOLIDA)

Mazkur maqolada jahon tilshunosligida qo‘shma gaplarning tipologik tadqiqi arab tili materiallari asosida ilmiy jihatdan tahlil qilinadi. Tadqiqot davomida arab tilidagi qo‘shma gaplarning strukturaviy, semantik va funksional xususiyatlari qiyosiy-tipologik aspektda o‘rganiladi. Bog‘langan, ergashgan hamda aralash qo‘shma gaplarning sintaktik qurilishi, grammatik ko‘rsatkichlari va kommunikativ-pragmatik vazifalari yoritiladi.  Arab  tilidagi qo‘shma gap modellari boshqa tillardagi sintaktik birliklar bilan qiyoslanib, ularning universal va milliy xususiyatlari aniqlanadi. Maqolada qo‘shma gaplarning matn hosil qilishdagi o‘rni, diskursdagi funksional ahamiyati hamda sintaktik tipologiyadagi nazariy qarashlar ilmiy asosda tahlil qilinadi.