O'ZBEKISTONDA EKOTURIZMNI RIVOJLANTIRISHDA SHARQ MAMLAKATLARI TAJRIBASIDAN FOYDALANISH

Mazkur maqolada O‘zbekistonda ekoturizmni rivojlantirishning nazariy va amaliy jihatlari tahlil qilinadi. Xususan, Malayziya, Indoneziya va Yaponiya davlatlarining ekoturizm sohasidagi ilg‘or tajribalari o‘rganilib, ularning O‘zbekiston sharoitida qo‘llash imkoniyatlari baholanadi. Tadqiqotda ekoturizmni rivojlantirishning iqtisodiy, ekologik va ijtimoiy omillari kompleks yondashuv asosida ko‘rib chiqilgan. Natijada, mahalliy aholi ishtirokini kengaytirish, infratuzilmani rivojlantirish va ekologik boshqaruvni kuchaytirish orqali barqaror turizmni rivojlantirish mumkinligi asoslab berilgan.