Oliy ta'lim muassasalarida aksiologik kompetentlikning mohiyati va institutsional tuzilishi

Ushbu maqola oliy ta’lim muassasalarida aksiologik kompetentlikning nazariy va amaliy jihatlarini chuqur o‘rganadi. Tadqiqot aksiologik kompetentlikni kognitiv, affektiv va xulqiy komponentlar orqali ta’riflab, uning talabalarda shakllanish mexanizmini institute-sional kontekstda tahlil qiladi. Metodologik jihatdan maqola nazariy tahlil, empirik diagnostika (anketa, intervyu, kuzatuv) va tizimli yondashuvni uyg‘unlashtiradi. Tadqiqot natijalari shuni ko‘rsatadiki, aksariyat oliy ta’lim muassasalarida aksiologik qiymatlar o‘quv dasturlariga formal tarzda kiritilgan, ammo ularning amaliy integratsiyasi va baholash mexanizmlari yetarli emas. Aksiologik kompetentlikni rivojlantirish uchun mualliflar institutsional model – strategik-ideologik integratsiya, pedagogik-metodik ta’minot, baholash va monitoring tizimi, madaniy-tarbiyaviy platformalarni taklif qiladi. Maqola oliy ta’lim siyosati, fakultet darajasidagi strategiyalar va o‘qituvchilar uchun amaliy kompetensiya dasturlarini shakllantirishga yo‘naltirilgan tavsiyalar beradi.