PARALINGVISTIKA VA NEVROLOGIYA: MIMIKALAR ORQALI NEVROLOGIK KASALLIKLARNI ERTA ANIQLASH IMKONIYATLARI

Ushbu maqolada paralingvistika va nevrologiya fanlarining integratsiyasi asosida mimikalar orqali nevrologik kasalliklarni erta aniqlash imkoniyatlari tahlil qilinadi. Inson yuz ifodalari, ko‘z harakatlari, lab va qosh mushaklarining faolligi markaziy asab tizimi faoliyati bilan bevosita bog‘liq bo‘lib, turli nevrologik buzilishlarning dastlabki belgilarini namoyon etishi mumkin. Tadqiqotda Parkinson kasalligi, autizm spektr buzilishlari, Altsgeymer kasalligi va insultdan keyingi holatlarda kuzatiladigan mimik o‘zgarishlarning diagnostik ahamiyati yoritiladi. Shuningdek, sun'iy intellekt texnologiyalaridan foydalangan holda paralingvistik diagnostikani rivojlantirish istiqbollari ko‘rib chiqiladi.