MUQOBIL VA IKKILAMCHI XOMASHYOLARDAN QOG'OZ OLISH IMKONIYATLARI

Qog‘oz insoniyat sivilizatsiyasining eng muhim materiallaridan biri hisoblanib, axborotni saqlash, uzatish va bosma mahsulotlar tayyorlashda asosiy vosita sifatida keng qo‘llaniladi. Zamonaviy qog‘oz ko‘p komponentli kapillyar-g‘ovakli kompozitsion material bo‘lib, asosan sellyuloza tolalarining suvli muhitda o‘zaro fizik-kimyoviy bog‘lanishi natijasida hosil bo‘ladi. Qog‘oz tarkibiga tolali komponentlardan tashqari turli mineral to‘ldiruvchilar, yelimlovchi moddalar, bo‘yoqlar, Oqartiruvchilar va maxsus funksional qo‘shimchalar kiritiladi. Ushbu komponentlar qog‘ozning fizik-mexanik, optik va bosma xossalarini shakllantiradi.