XODIMLARGA YETKAZILGAN ZARARNI QOPLASH MASALALARI
收藏资源简介：
O‘zbekiston Respublikasi Konstitutsiyasining 42-moddasiga ko‘ra, har kim munosib mehnat qilish, kasb va faoliyat turini erkin tanlash, xavfsizlik va gigiyena talablariga javob beradigan qulay mehnat sharoitlarida ishlash, mehnati uchun hech qanday kamsitishlarsiz hamda mehnatga haq to‘lashning belgilangan eng kam miqdoridan kam bo‘lmagan tarzda adolatli haq olish, shuningdek ishsizlikdan qonunda belgilangan tartibda himoyalanish huquqiga ega. Ma’lumki, xodim bilan ish beruvchi o‘rtasida mehnat shartnomasining tuzilishi taraflar uchun muayyan huquq va majburiyatlarning vujudga kelishiga asos bo‘ladi. Ushbu huquq va majburiyatlar mehnat to‘g‘risidagi qonun hujjatlarida belgilangan. Xodimga yetkazilgan zarar uchun ish beruvchining moddiy javobgarligi xususida so‘z borganda, mehnat to‘g‘risidagi qonun hujjatlarida yetkazilgan zararni to‘lash majburiyati, uning miqdori, tartibi va muddatlari belgilab qo‘yilganini ta’kidlash lozim.
