IFLA parimet mbi përkujdesjen dhe përdorimin e materialit bibliotekar

Ky dokument është një hyrje e përgjithshme në përkujdesjen dhe përdorimin e materialit bibliotekar për individë dhe institucione me njohuri të vogla apo pa fare njohuri në prezervim. Kjo nuk ofron një list gjithëpërfshirëse të metodave dhe praktikave të detajizuara, por sjell informacion bazë për të asistuar bibliotekat në krijimin e një qëndrimi të përgjegjshëm në përkujdesjen për koleksionet e tyre. Rreziqet për koleksionet shpesh janë të njohura, por bibliotekarët shpesh nuk i theksojnë zëshëm pasojat e injorimit të rreziqeve. ‘Parimet e IFLA-s për përkujdesjen dhe përdorimin e materialeve bibliotekare’, janë bërë kështu me qëllim të inkurajimit të atyre që janë përgjegjës për t’u ballafaquar me këto pasoja dhe që, së bashku me ekspertë shkencorë dhe teknikë, të bëjnë formulimin e një politike pozitive për të ardhmen e materialeve në koleksionet e tyre. Në rend të parë, ky publikim ka për qëllim: të ekspozojë rrezikshmërinë e materialit bibliotekar të avansojë njohurinë lidhur me vazhdimësinë dhe qëndrueshmërinë e materialit bibliotekar të inkurajojë përkujdesjen dhe përdorimin e duhur të materialit bibliotekar të ndihmojë stafin bibliotekar në kërkim të zgjidhjeve të problemeve të prezervimit të inkurajojë linja të qarta komunikimi midis drejtuesëve të bibliotekave, drejtuesëve të ndërtesave dhe stafit të prezervimit dhe të bibliotekave, në mënyrë që të gjithë të interesuarit të punojnë së bashku drejt prezervimit të përmbajtjeve të bibliotekave.