YANGI O'ZBEKISTONDA MAFKURAVIY TAHDIDLARGA QARSHI KURASH ISLOHOTLARI

Mazkur ilmiy maqolada Yangi O‘zbekiston sharoitida mafkuraviy tahdidlarning mohiyati, ularning jamiyat barqarorligiga ta’siri hamda ushbu tahdidlarga qarshi kurash mexanizmlarini takomillashtirish bo‘yicha amalga oshirilayotgan tashabbuslar tahlil qilinadi. Tadqiqot davomida O‘zbekiston Respublikasi Prezidenti nutqlari, davlat dasturlari, normativ-huquqiy hujjatlar, shuningdek, mahalliy va xorijiy olimlarning ilmiy ishlari asos qilib olindi. Maqolada mafkuraviy xavfsizlikni ta’minlashda davlat va fuqarolik jamiyati institutlarining o‘zaro hamkorligi, yoshlar ongini zararli g‘oyalardan himoyalashda ma’rifiy va axborot siyosatining o‘rni asoslab beriladi. Tadqiqot natijalari mafkuraviy tahdidlarga qarshi kurashning tizimli va kompleks yondashuv asosida olib borilishi zarurligini ko‘rsatadi.