GLOBALLASHUV SHAROITIDA MILLIY QADRIYATLARNING FALSAFIY TALQINI

Mazkur maqolada globallashuv jarayonining zamonaviy jamiyat hayotiga ta’siri hamda ushbu jarayon fonida milliy qadriyatlarning falsafiy mazmuni tahlil qilinadi. Dunyo miqyosida iqtisodiy, siyosiy va madaniy integratsiyaning kuchayishi inson tafakkuri, ma’naviy dunyosi va ijtimoiy ongida jiddiy o‘zgarishlarni yuzaga keltirmoqda. Ayniqsa, milliy qadriyatlar masalasi globallashuv sharoitida eng dolzarb falsafiy muammolardan biri sifatida namoyon bo‘lmoqda. Maqolada milliy qadriyatlarning inson va jamiyat hayotidagi o‘rni, ularning tarixiy shakllanishi, ma’naviy taraqqiyotdagi ahamiyati hamda global madaniy oqimlar ta’sirida yuzaga kelayotgan o‘zgarishlar ilmiy jihatdan yoritilgan. Shuningdek, milliy o‘zlikni anglash, tarixiy xotira, ma’naviy meros va madaniy barqarorlik tushunchalarining falsafiy mohiyati ochib berilgan. Tadqiqot davomida globallashuvning nafaqat ijobiy, balki ma’naviy tahdidlarni yuzaga chiqaruvchi jihatlari ham tahlil qilinadi. Maqolada milliy qadriyatlarni asrab-avaylash va ularni zamonaviy taraqqiyot bilan uyg‘un holda rivojlantirish zarurati asoslab berilgan.