OXU PROSESINDƏ ŞAGIRDLƏRIN FƏALIYYƏTININ H.QARDNERIN DƏRKETMƏ NƏZƏRIYYƏSININ PRINSIPLƏRINƏ UYĞUN TƏŞKILI

Qloballaşan dünyada təhsilin əsas vəzifəsi fəal vətəndaş, geniş dünyagörüşünə malik şəxsiyyət yetişdirməkdir. Belə xüsusiyyətlərə malik insanın formalaşmasında Azərbaycan dili fənninin rolu böyükdür. Fənn şagirdlərin məntiqi, tənqidi, yaradıcı təfəkkürünü formalaşdırmaq üçün Azərbaycan dilinin dörd məzmun xəttini (dinləyib-anlama və danışma, oxu, yazı və dil qaydaları) şagirdlərdə inkişaf etdirməlidir. Bilirik ki, bunların arasında oxu məzmun xətti daha vacibdir. Çünki şagirdlər oxu vasitəsilə məlumatı əldə edir, buna görə də şagirdlərin uğuru oxu bacarığı ilə bağlıdır.