EKSPRESSIV YOZUVNING NEYROLINGVISTIK ASOSLARI

Mazkur maqolada ekspressiv yozuvning psixolingvistik va neyrolingvistik xususiyatlari tahlil qilingan. Ekspressiv yozuvni hosil qiluvchi asosiy kognitiv mexanizmlar, jumladan tafakkur, ichki nutq, ichki talaffuz, xotira, ehtimolli bashorat qilish va grafomotor jarayonlarning o'zaro bog'liqligi yoritilgan. Shuningdek, ekspressivlikni ta'minlovchi leksik, grammatik, sintaktik, grafik va punktuatsion vositalarning yozma nutqdagi vazifasi ochib berilgan. Tadqiqot natijalari ekspressiv yozuvni neyrolingvistik yondashuv asosida o'rganish disgrafik buzilishlarni tashxislash va baholashda muhim nazariy asos bo'lishini ko‘rsatadi.