ILMIY USLUBNING LEKSIK XUSUSIYATLARI

Mazkur maqolada umumiy tilshunoslik fani doirasida ilmiy uslubning leksik xususiyatlari keng tahlil qilinadi. Ilmiy uslub funksional uslublar ichida eng mustaqil va tizimli tuzilishga ega boʻlib, uning leksik qatlami terminologik boylik, neytrallik va internatsional xususiyatlari bilan boshqa uslublardan farq qiladi. Maqolada terminlar, internatsionalizmlar, umumilmiy leksika va leksik takrorning ilmiy matndagi vazifasi zamonaviy tilshunoslik nuqtai nazaridan yoritiladi. Oʻzbek tilshunosligi va xalqaro tadqiqotlar asosida ilmiy leksikaning hozirgi holati tahlil qilinadi.