O'YIN TEXNALOGIYALARI ORQALI BOLALARDA IJODKORLIKNI RIVOJLANTIRISH

Mazkur ilmiy tezisda o‘yin texnologiyalarining ta’lim jarayonidagi o‘rni va ularning bolalarda ijodkorlikni rivojlantirishdagi pedagogik ahamiyati keng yoritilgan. Ta’lim jarayonida zamonaviy o‘yin texnologiyalaridan samarali va maqsadli foydalanish bolalarning bilishga bo‘lgan qiziqishini oshirishi, mustaqil fikrlash, muammoli vaziyatlarni tahlil qilish hamda ijodiy yechimlar topish ko‘nikmalarini shakllantirishi asoslab berilgan. Shuningdek, o‘yin texnologiyalari orqali bolalarning tasavvuri, mantiqiy tafakkuri, nutq madaniyati va ijtimoiy faolligi rivojlanishi ilmiy-pedagogik jihatdan tahlil qilingan. Rolli, didaktik va ijodiy o‘yinlarning ta’lim samaradorligini oshirishdagi imkoniyatlari yoritilib, ularni qo‘llash orqali ijodkor, tashabbuskor va mustaqil shaxsni shakllantirish mumkinligi asoslangan. Mazkur tezis ta’lim tizimida o‘yin texnologiyalaridan foydalanish bo‘yicha amaliy tavsiyalar berish bilan ham ahamiyatlidir.