SINTAKTIK SATH VA SHART MUNOSABATINING NAZARIY MAQOMI

Ushbu maqolada jahon va o‘zbek tilshunosligida shart munosabatlari sintaktik, semantik va pragmatik jihatlari bo‘yicha tahlil qilinadi. Shart konstruktsiyalari til birliklari mantiqiy, sababiy va ehtimollik asosida bog‘lanishini aks ettiradi. Tipologik jihatdan shart munosabatlari bog‘lovchilar, affikslar va kontekst orqali ifodalanadi. Diskurs va kognitiv tilshunoslik doirasida shart konstruktsiyalari argumentatsiya, maslahat, ogohlantirish va normativ xulosalarni ifodalashda muhim rol o‘ynaydi. Maqola misollar bilan boyitilgan bo‘lib, zamonaviy tadqiqotlar va klassik nazariy yondashuvlar tahlil qilinadi.