OZOD SHARAFIDDINOV TALQINIDA CHOʻLPON IJODINI ANGLASH MASALASI.

Mazkur maqolada taniqli adabiyotshunos Ozod Sharafiddinovning “Cho‘lponni anglash” asari asosida buyuk shoir Abdulhamid Sulaymon o‘g‘li Cho‘lpon ijodining badiiy-estetik mohiyati tahlil qilinadi. Tadqiqotda Cho‘lpon ijodining shakllanish bosqichlari, 1920–1927 yillardagi yuksak ijodiy parvozi, shuningdek, shoir shaxsiga va merosiga nisbatan turli davrlarda bildirilgan qarama-qarshi tanqidiy qarashlar yoritiladi. Maqolada, ayniqsa, Cho‘lpon davridagi markscha metodologiya asosida shakllangan baholar bilan Ozod Sharafiddinovning mustaqil estetik yondashuvi o‘rtasidagi farqlar ochib beriladi. Shuningdek, Olim Sharafiddinov (Ayn) va Ozod Sharafiddinov shaxslari o‘rtasidagi farq alohida ta’kidlanib, ilmiy aniqlik kiritiladi.