O'ZBEK DO'PPIDO'ZLIK SAN'ATI – MILLIY MEROS, MAHORAT VA ZAMONAVIY RIVOJLANISH UYG'UNLIGI

Mazkur maqolada o‘zbek do‘ppido‘zlik san’atining shakllanishi, hududiy maktablari va ularning o‘ziga xos badiiy-uslubiy xususiyatlari tahlil qilinadi. Farg‘ona vodiysi, Buxoro, Samarqand, Shahrisabz, Surxondaryo, Toshkent hamda Xorazm va Qoraqalpog‘iston hududlarida rivojlangan do‘ppido‘zlik maktablari misolida naqsh, kompozitsiya va texnika jihatidan farqlar yoritiladi. Shuningdek, yetakchi hunarmand ustalar faoliyati, ustoz-shogird an’anasi orqali bilim va ko‘nikmalarning uzatilishi hamda do‘ppido‘zlikning ijtimoiy-madaniy va iqtisodiy ahamiyati asoslab beriladi. Maqolada ushbu san’atning zamonaviy sharoitdagi rivojlanish tendensiyalari, uni saqlash, hujjatlashtirish va xalqaro miqyosda targ‘ib etish masalalari ham yoritiladi.