АҚШ ТАШҚИ СИЁСАТИДА ЛОББИЗМ ИНСТИТУТИ ВА "AMERICA FIRST" СТРАТЕГИЯСИНИНГ ЎЗАРО ТАЪСИРИ

Ушбу мақолада Доналд Трамп маъмурияти даврида шаклланган “America First” стратегияси ва АҚШ ташқи сиёсатидаги лоббизм институти ўртасидаги таъсир таҳлил қилинади. Тадқиқотда реализм, неореализм, либерализм, плюрализм ва элитар назариялар асосида “America First” доктринасининг назарий жиҳатлари ўрганилади. АҚШ ташқи сиёсатининг шаклланишида этник лоббилар, ҳарбий-саноат комплекси ва трансмиллий корпорациялар таъсири қиёсий таҳлил қилинади. Трамп маъмуриятининг Қуддусни Исроил пойтахти сифатида тан олиши, Эрон ядровий келишувидан чиқиши, Хитой билан савдо уруши ва Саудия Арабистони билан қурол шартномалари каби қарорлари лоббистик босим ва миллий манфаатлар ўртасидаги боғлиқлик юзасидан баҳоланди.