RAQAMLI IQTISODIYOTGA O'TISHNING IQTISODIY SAMARADORLIGI

Mazkur maqolada raqamli iqtisodiyotga o‘tish jarayoni va uning iqtisodiy samaradorlikka ta’siri nazariy va amaliy jihatdan tahlil qilingan. Raqamli texnologiyalarning joriy etilishi ishlab chiqarish jarayonlarini optimallashtirish, tranzaksiya xarajatlarini kamaytirish va mehnat unumdorligini oshirishga xizmat qilishi asoslab beriladi. Shuningdek, O‘zbekiston sharoitida raqamli transformatsiyaning amalga oshirilishi, elektron hukumat tizimi, raqamli infratuzilma va innovatsion rivojlanish yo‘nalishlari ko‘rib chiqiladi. Tadqiqotda raqamli iqtisodiyotning institutsional, texnologik va ijtimoiy omillari hamda ularning iqtisodiy samaradorlikka kompleks ta’siri yoritilgan. Olingan natijalar raqamli iqtisodiyot milliy iqtisodiyotning raqobatbardoshligini oshirishda muhim omil ekanligini ko‘rsatadi.